Leiðarljós í framkomu starfsfólks

Starfsfólk leikskólans hefur sett sér viðmið um framkomu og leggur sig fram um að allir aðilar skólasamfélagsins upplifi gott viðmót, sanngirni og hlýju í leikskólanum.

---

​Með börnum:
-  Við tölum við börnin í þeirra hæð og erum í augnsambandi við þau.
-  Við gefum barni tækifæri á að gera sjálft það sem það hefur hæfni til.
-  Við mætum börnunum af nærgætni í samskiptum og tölum ekki niður til þeirra.
-  Við tökum vel á móti börnunum að morgni og komum til móts við þarfir þeirra.
-  Við sitjum og leikum  með barninu á gólfinu og veitum því athygli.
-  Við  notum hlýlega rödd í samskiptum við börnin.
-  Við veitum börnum öryggi með reglulegri og hlýlegri líkamssnertingu.
-  Við mætum tilfinningum sem koma upp; mismunandi tilfinningar eiga rétt á sér.
-  Við hvetjum börn til að virða hvert annað í daglegum samskiptum.
-  Við mætum öllum margbreytileika einstaklinga.
Sín í milli:
-  Starfsfólk mætir ávallt hvert öðru með opnum hug og samstarfsvilja.
-  Starfsfólk samhæfir  reglur og vinnubrögð sín.
-  Starfsfólk ber virðingu fyrir vinnustað sínum  og starfsfélögum.
-  Starfsfólki hrósar hvert öðru,styður og byggir upp (enginn vex af vantrausti).