Málrækt
Tungumálið er mikilvægasta tæki manna til boðskipta. Með því tjá þeir hugsanir sínar og tilfinningar, skoðanir og fyrirætlanir. Í leikskóla er lagður mikilvægur grundvöllur að málþroska barna og gengur málörvun eins og rauður þráður í gegnum allt leikskólastarfið. Mikilvægt er að mál og málörvun greinist ekki frá öðrum uppeldisþáttum.
Því ber að leggja áherslu á málrækt; í samtölum, með krefjandi spurningum, með því að lesa fyrir barnið, segja því sögur og kenna því kvæði og þulur. Mikilvægt er að hinn fullorðni setji orð á allar athafnir daglegs lífs innan leikskólans því það eykur orðaforða barnanna; tali við þau en ekki yfir þeim. Að samskiptin byggist á gagnkvæmri virðingu, börnin séu hvött til að segja frá, halda uppi samræðum, skiptast á skoðunum, hlusta, syngja, lesa myndtákn, fylgja og skilja fyrirmæli. Ritað mál er haft sýnilegt og áhersla lögð á gott og fjölbreytt málfar.
Því ber að leggja áherslu á málrækt; í samtölum, með krefjandi spurningum, með því að lesa fyrir barnið, segja því sögur og kenna því kvæði og þulur. Mikilvægt er að hinn fullorðni setji orð á allar athafnir daglegs lífs innan leikskólans því það eykur orðaforða barnanna; tali við þau en ekki yfir þeim. Að samskiptin byggist á gagnkvæmri virðingu, börnin séu hvött til að segja frá, halda uppi samræðum, skiptast á skoðunum, hlusta, syngja, lesa myndtákn, fylgja og skilja fyrirmæli. Ritað mál er haft sýnilegt og áhersla lögð á gott og fjölbreytt málfar.
|
Vinna með málrækt á leikskóla Auðarskóla |
|